शुक्लाफाँटा राष्ट्रिय निकुञ्जको पडाव क्षेत्रमा वयस्क पोथी हात्ती शुक्रबार मृतावस्थामा फेला परेको छ। शुक्रबार दिउँसो पडाव क्षेत्रमा निकुञ्जको सुरक्षार्थ खटिएका नेपाली सेनाको गस्ती टोलीले हात्ती मृतावस्थामा फेला पारेको थियो।
बस्तीभन्दा झन्डै तीन–चार किलोमिटरभित्र हात्ती मृतावस्थामा फेला परेपछि करेन्ट लागेर वा विषादीका कारण मरेको भन्नेबारे पशु चिकित्सकको टोलीले चेकजाँच गर्दा त्यस्तो केही नभएर प्राकृतिक कारणले हात्तीको मृत्यु भएको निकुञ्जका सूचना अधिकारी मनोज ऐरले बताए। निकुञ्जको पशु चिकित्सक टोलीले मृत हात्तीको बाह्य र भित्री भागको चिरफार गरेर हेर्दा केही पनि फेला नपरेको उनले बताए।
हात्तीको मलद्वारबाट गोवर र आन्द्रा निस्केको अवस्थामा रहेको पाइएको जानकारी दिँदै निकुञ्जका सूचना अधिकारी ऐरले पशु चिकित्सकले चेकजाँच गर्दा पेटभित्र ग्यास भरिएर त्यसो भएको जनाएका बताए । हात्ती गर्भवती भने नरहेको उनको भनाइ छ । हिन्दु परम्पराअनुसार सरोकार भएकाहरूको रोहवरमा हात्तीको सद्गत गरिएको उनले जानकारी दिए।